Umubiri w’umusirikare w’u Rwanda wiciwe muri Santarafurika mu butumwa bw’amahoro wagejejwe mu Rwanda

441

Babinyujije ku rubuga rwabo rwa twitter, RDF yatangaje ko kuri iki cyumweru tariki ya 16 Nyakanga 2023, umubiri wa Sgt Tabaro Eustache wari umusirikare w’u Rwanda wari mu gikorwa cyo kugarura amahoro mu gihugu cya Santarafurika akicirwayo, wagejejwe mu Rwanda.

 

Abasirikare ba RDF bayobowe na Maj. Gen Ruki Karusisi n’umuryango wa nyakwigendera, nibo bakiriye mu cyubahiro umubiri w’uwo musirikare ku kibuga cy’indege cya Kigali. Sgt Tabaro Eustache yitabye Imana kuwa 10 Nyakanga 2023 nyuma yo kuraswa n’abitwaje intwaro mu majyaruguru ya Santarafurika.