Abacuruzi b’amasanduku yo gushyinguramo abapfuye batuye mu gace ka Kumasi muri Ghana barimo kurira ayo kwarika kubwo kubura abakiriya nk’uko babiganirije umunyamakuru umwe wo mu karere ka Ashanti. Bavuze ko mu busanzwe muri kamena na nyakanga badakunda kugurisha cyane kubera ibihe by’imvura, ariko kuri iyi nshuro bikaba bikabije.

Umuyobozi w’aba bacuruza amasanduku yo gushyinguramo Asokwa Yaw, ubwo yaganiraga na Osei Kwado wo kuri television ya AMBASSADOR yagaragaje akababaro ke agira ati” abantu ntibagura amasanduku mu mezi ya Kamena na nyakanga, kandi bigira ingaruka ku bicuruzwa byacu bya buri munsi”. nk’uko tubikesha umuryango.rw.

Yakomeje avuga ko nubwo badasenga ngo abantu bapfe cyane, ariko ni ngombwa kwemeza ko babona umugati wa buri munsi bitewe n’umubare w’amasanduku bagurishije mu mwaka. Ndetse yakomeje avuga ko Atari uko abantu badapfa mu bihe by’imvura, ahubwo nuko abantu basubika imihango yo gushyingura kubera ibihe bityo bikaba bigoye kugurisha mu bihe by’imvura.

Yakomeje avuga ko rimwe na rimwe baza bagataha uko baje muri kamena na nyakanga, gusa ngo ariko biteguye kugurisha neza guhera muri kanama kugeza m’ukuboza kubera ko muri kanama abantu bazatangira gushyingura, ati” nashoboye kugurisha amasanduku agera kuri 20 kuva muri mutarama kugera muri gicurasi, ariko kubera imvura ntago nigeze ngurisha isanduku n’imwe muri kamena, ariko ndatekereza ko kuva muri kanama kugera m’ukuboza ibintu bizagenda neza”.

Dore uko byari bimeze ubwo umunyamakuru Papy yafatwaga n’abashinzwe umutekano bakamwuriza pandagare arimo kuvugira abazunguzayi. Video.