Abagore bari barahawe gatanya mu gihe Afghanistan yayoborwaga na guverinoma ishyigikiwe na Leta zunze Ubumwe za Amerika, bategetswe gusubirana n’abagabo babo babahohoteraga. Nk’uko AFP yabyanditse, ubwo aba-Taliban bafataga ubutegetsi mu 2021, abagabo benshi bagiye kubatakira bavuga ko bahatiwe gutandukana n’abagore babo.    Idamange Yvonne agiye gusubira imbere y’ubutabera.

Abanyamategeko bavuze ko hari abagore benshi bategetswe gusubirana n’abagabo babo babahohoteraga kuko gatanya zabo zateshejwe agaciro. Marwa ni umwe mu bagore bakuwe amenyo yose n’umugabo we, baratandukana ariko aba-Taliban basubiye ku butegetsi bamutegeka gusubirana n’uwo mugabo. Ubu yarahunze abayeho mu buzima bwo kwihisha n’abana be umunani nk’uko Igihe babitangaje.

Muri Afghanistan, abagore icyenda ku icumi bakorewe ihohoterwa ribabaza umubiri, irishingiye ku gitsina cyangwa mu mitekerereze n’abagabo babo. Gatanya ni ikizira muri iki gihugu kurenza ihohoterwa kandi umuco wacyo ntubabarira na gake umugore utandukanye n’umugabo we. Umunyamategeko Nazifa wafashije abagore 100 kubona gatanya, yambuwe uburenganzira bwo gukorera muri Afghanistan.

Avuga ko hari abagore batanu bahisemo guhunga bajya aho batazwi mu kwanga gusubirana n’abagabo babo. Umuvugizi w’urukiko rw’ikirenga muri Afghanistan, Inayatullah, yavuze ko nihagira abagaragaza ko batishimiye gusubirana n’abagabo babo hazakorwa iperereza hashingiwe kuri ‘Sharia’. Abajijwe niba aba-Taliban bemera cyangwa baha agaciro gatanya zatanzwe na guverinoma yababanjirije, Inayatullah, yavuze ko ‘ari ikibazo cy’urusobe’.