Iyo hagezweho imyambarire, abantu benshi bakunda kwibaza impamvu bamwe bambara imyambaro runaka kandi bagakwiye kwambara iyindi, bikaba ikibazo noneho iyo bageze kuri ya myambaro byitwa ko iteza ikibazo mu bantu, ariko burya nyiri ukuyambara aba afite impamvu. Muri iyi nkuru IMIRASIRE TV twifashishije urubuga rwa Quora aho umuntu yatanze ikibazo abaza impamvu igitsinagore Bambara amajipo magufi, bamwe batanga ibisubizo.

Umwe yagize ati “ njye nambara amajipo magufi kubera ko nkunda uburyo bandangarira iyo nambaye ibintu bigufi cyangwa se ibyerekana imiterere yanjye.” Undi yagize ati “ igisubizo cyanjye bwite, kidaciye ku ruhande kandi cy’ukuri, nkunda kurebwa, uhereye ku mutwe kugera ku mano,mfite isura nziza, umubiri mwiza n’amaguru meza, nkunda ubwiza bwanjye, mba nshaka amaso yandeba akankunda.”

Undi yagize ati “ abantu Bambara amajipo magufi nanjye ndimo, tubikora kubera ko twibonaho ubwiza. Ntago dukunda ubwiza bwacu ariko hari imyambaro itunyura, igatuma dutekereza byiza, kandi iyo abagabo batureba bagatekereza ko turi beza, turabibashimira, ariko niba batureba bitarimo umuco ahubwo birimo irari ry’umubiri, bagakwiye kwigaya. Urabona tujya ku ishuri ngo twige umuco, ariko hari n’abajyayo kubera inyamaswa bakigishwa, rero abagabo bagomba kumenya ko umwanya w’ibitsina byabo ari mu ipantalo.”

Undi yagize ati “ iyo nambaye mini, biranshimisha kuko byerekana impande zombi z’inyuma hanjye.” Undi yagize ati “ nibyo numva binkwiriye, ikindi kandi nkunda umwuka ugenda uhuha mu maguru yanjye, ndabikunda kandi kwambara mini numva binteye ishema.” Undi yagize ati “ mba ntekereza ko barareba ubwiza bwanjye, mvugishije ukuri, ubwiza bw’umugore nibwo bwiza bubaho buruta ubundi hano ku isi, amabere, ibibero n’amataye, nibyo bintu byiza birenze ku mubiri w’umugore, rero iyo jipo ya mini igaragaza neza (highlight) ibyo bice ariko cyane cyane amataye n’ibibero.”

Abenshi mu bagore batanze igitekerezo kuri iki kibazo bagaragaje ko ahanini Bambara ama mini kugira ngo bagaragaze ubwiza bwabo, ndetse abagabo babarebe n’abandi bagaragaza ko bayambara kubera ko ariyo ibabangukiye, ariko ku ruhande rw’abagabo batanze ibitekerezo kuri iki kibazo, bo kwari ukwamaganira kure iyi myambarire nk’uko ushobora kubisoma hano dukesha iyi nkuru.

Rubavu: Mu marira menshi umukobwa avuga ihohoterwa akorerwa n’umuryango we n’uburyo ubuzima bwe buri mu kaga nta mutabazi afite.