Ubushinjacyaha bwa gisirikare bwasabiye igifungo cy’imyaka 3 abantu 4 barimo abakozi ba APR FC 3 (abasirikare n’umusivire umwe) ku bw’icyaha cyo gucura umugambi wo guha umuntu ikintu gishobora kwica cyangwa gushegesha ubuzima. Abakurikiranwe n’ubutabera ni Major Uwanyirimpuhwe Jean Paul wari Team Manager na Major Dr Nahayo Erineste wari umuganga w’ikipe.

Iyi dosiye yabo irimo kandi Mupenzo Eto’o wari ushinzwe igura n’igurisha ry’abakinnyi muri APR FC n’undi muturage witwa Bizimana Bilali. Aba bitabye urukiko kuri uyu wa 15 Nzeri 2023, hanzurwa ko umwanzuro w’urubanza uzasomwa kuwa 13 Ukwakira 2023.

Amakuru avuga ko bacuze umugambi wo guha abakinnyi b’ikipe ya Kiyovu Sports ibintu byo kunywa mu mutobe, kugira ngo bizabace intege mu mukino. Muri uyu mukino APR FC yatsinze urucaca ibitego 2-1 iyisezerera ku gitanyo cy’ibitego 3-2.

Abaregwa bose n’abunganizi babo bemera ibikorwa bigize ibyaha baregwa ariko ntibemera inyito y’icyaha. Ubushinjacyaha bwa gisirikare bwabasabiye gufungwa imyaka 3 n’amande y’ibihumbi 500frw.

Maj Uwanyirimpuhwe Jean Paul wari TeamManager wa APR FC, Maj Dr Nahayo Erineste wari umuganga w’ikipe, Mupenzo Eto’o wari ushinzwe igura n’igurisha ry’abakinnyi n'uwitwa Bizimana Bilali bashinjwa kuroga abakinnyi ba Kiyovu Sports basabiye igifungo cy'imyaka 3 pic.twitter.com/B9F8RdQknv

— IMIRASIRE TV (@imirasiretvcom) September 15, 2023