Abana babiri barimo uw’imyaka 16 n’uw’imyaka 9 barohamye mu kiyaga cya Kivu bagiye koga.  Byabaye kuwa 2 Nyakanga 2023, mu mudugudu wa Gisiza, akagali ka Buhindure, Umurenge wa Kigeyo akarere ka Rutsiro.

Uyu mwana w’imyaka 16 akomoka mu karere ka Nyagatare, yari yazanye n’umubyeyi we baje gusura umuryango utuye hafi n’iki kiyaga, n’aho uw’imyaka 9 yari asanzwe azi koga kuko aturiye iki kiyaga, gusa uw’imyaka 16 kubera ubwoba yamufashe aramukomeza bituma barohamana.

Amakuru yatanzwe n’umwana w’imyaka 5 bari bajyanye, kuko yabonye bibaye ahita azamuka ajya kubibwira ababyeyi be. Ababyeyi nabo bahise babibwira abashinzwe umutekano n’inzego z’ibanze zitangira kubashakisha, gusa kugera mu gitondo cyo kuri uyu 3 Nyakanga bari bataraboneka. Munyambaraga Rutayisire Deogratias, umunyamabanga nshingwabikorwa w’umurenge yavuze ko barohamye ku cyumweru saa saba.

SRC: IGIHE