Kubera ibikorwa by’urukuzasoni bya Kanye West amaze iminsi agaragaramo abantu benshi bagatangira kugira ikibazo ko birangiza abana be, abana nabo batangiye kugaragaza imico mibi mu ruhame. Mu minsi yashize ku mbuga nkoranyambaga havurwaga cyane Bianca Censori  na Kanye West kubera amahano bakoreye mu gihugu cy’u Butaliyani aho bari baragiye mu biruhuko.

Aho bakoze ibikorwa by’urukozasoni bikarangira batangiye gukorwaho iperereza ndetse bakanahagarikirwa kugendera muri amwe mu mato aho mu Butaliyani, iyo mico mibi yaranze Kanye West hari impungenge ko azayanduza abana be.

Kim Kardashian w’imyaka 42 wahoze ari umugore wa Kanye West ndetse bakaba barabyaranye abana bane, yari ashaka guhura na mukeba we Bianca Censori kugira ngo baganire  ku ngaruka abana be na Kanye West bahura nazo ariko aza kwisubiraho. Kim Kardashian avuga ko atazaganira ibiganiro na mukeba we yavuzeko iyo atandukanye n’umuntu amuha uburenganzira busesuye kuburyo atamuhoza ku nkeke.

Icyo gihe Kim Kardashian yari ahangayikishijwe n’uburyo abana bari bubone imico ya se ndetse afite ubwoba ko nabo bahindura imico yabo. Ejo hashize ubwo Kim Kardashian yari kumwe n’umwna we w’umuhungu w’imyaka 7 bavuye ku kibuga cya Basketball, Kim yatunguwe ubwo yahindukiraga akabona umuhungu we arimo yereka abanyamakuru urutoki rwa musumbazose abanyamakuru bari gufotora.

Ibi Kim akimara kubibona, yahise afata umuhungu we amubuza gutanga urutoki ariko abafata amafoto n’ubundi bari barangije ntacyo yaramiraga, ibi kandi benshi batangiye kuvuga ko ari ingaruka z’imico mibi ya se Kanye West.