Mu Gihugu cya Kenya, mu Bitaro bya Elfgeyo Marakwet, abahungu batanu bapfuye abandi 28 bajyanwa mu bitaro bitandukanye nyuma yo gusiramurwa mu buryo bwa magendu. Ibi byatangajwe n’umuyobozi w’ibitaro muri iyo Ntara, Michael Kibiwot.

Uyu muyobozi yavuze ko abahungu 28 bahise bajyanwa mu bitaro, aho bari bafite ibimenyetso bitandukanye birimo indwara ziterwa na bagiteri mu gihe abandi bagarageje ibimenyetso by’umusonga. Yakomeje asobanura ko abahungu 28 bajyanwe kwa muganga, bivugwa ko umwe yashyizwe mu cyumba cy’indembe.

Yagize ati “Birababaje kuba kugeza ubu twatakaje batanu kandi ubu tuvugana difite umurwayi uri muri ICU.” Uyu muyobozi yamaganye abakora iki gikorwa cya magendu, asaba ababyeyi ko bajya bajyana abahungu babo mu bitaro byizewe.