Kuri uyu wa Gatandatu tariki 10 Kanama 2024, indege yari itwaye abagenzi 62 yakoze impanuka ubwo yari igeze hafi y’Umujyi wa Sao Paulo muri Brésil, gusa ntiharamenyekana umubare nyawo w’abayipfiriyemo nk’uko byatangajwe n’Urwego rushinzwe Indege za Gisivili muri Brésil. https://imirasiretv.com/abaperezi-barenga-20-batarimo-tshisekedi-na-ndayishimiye-bazitabira-umuhango-wo-kurahira-kwa-perezida-paul-kagame/

Amakuru avuga ko iyo ndege yerekezaga ku Kibuga Mpuzamahanga cy’Indege cya Sao Paulo, ikorera impanuka mu mujyi wa Vinhedo, aho yarimo abagenzi 58 ndetse n’abapilote 4. Icyakora iryo tangazo ntiryatangaje icyaba cyateye iyi mpanuka. Mu gihe abashinzwe kurwanya inkongi, abapolisi ndetse n’abashinzwe indege za gisivili bihutiye kugera aho iyo ndege yaguye.

Bakihagera bahise bazitira ako gace kose, abaturage baturiye ako gace n’abanyamakuru babonye imodoka zitandukanye z’ubutabazi zirimo imbangukira gutabara zitwara abantu. Ubwo yari mu muhango umwe mu majyepfo y’igihugu, Perezida wa Brésil, Luiz Inácio Lula da Silva, yasabye abari bitabiriye bise guhaguruka bagafata umunota umwe wo kwibuka abasize ubuzima muri iyo mpanuka. https://imirasiretv.com/abantu-bataramenyekana-bibye-ibendera-ryigihugu-mu-kigo-cyamashuri/