Mu gihugu cya Kenya mu mugi wa Kilifi, abantu bane bishwe n’inzara abandi bajyanwa mu bitaro, ubwo bamaraga iminsi biyiriza ubusa bategereje ko isi irangira. Polisi yo muri iki gihugu yatangaje ko abapfuye bakekwa kuba abayoboke ba Good news international rya pasiteri Paul Mackenzie.  Sandra Teta wahohoterwaga na Weasel yasubiyeyo ngo bakore ubukwe

Ibi byabaye nyuma y’uko bari bamaze iminsi barimo kwiyiriza ngo bahagarike imperuka bari bategujwe ko igiye kuba, aho abantu 11 ari bo batabawe bakajyanwa kwa muganga ariko batandatu muri bo nibo barembye bikabije. Igipolisi cyatangaje ko bagishaka amakuru kuko byavuzwe ko abiriyije ari benshi aho bari baragiye mu ishyamba.

Ni nyuma y’uko kandi polisi yari iri gucungisha ijisho uyu mu pasiteri umaze iminsi ashishikariza abayoboke be kwiyicisha inzara kugira ngo bazajye mu ijuru. Uyu mu pasiteri ntago yatawe muri yombi ariko polisi yamugezeho kuko hari n’urundu rubanza arimo kuburana yemerewe kuruburana adafunze, aho akurikiranweho urupfu rw’amayobera rw’abana babiri afatanije n’abayoboke be nk’uko twabibagejejeho muri iyi nkuru Umupasiteri yatawe muri yombi akurikiranweho kwica abana babiri afatanije na bamwe mu bayoboke be