Abanyarwandakazi babiri Munyana Peace Kenson ndetse na Mwiza Amelie, berekeje I Dubai aho bagiye ahazabera amarushanwa mu kumurika imideli, ibirori byiswe ‘Fashion Factor’ bizahuza abahanga mu mideri baturutse impande zose z’isi ngo hatorwemo uhiga abandi.

Biteganijwe ko ibi birori bizaba tariki 24 na 25 Kamena 2023, aho uzahiga abandi mu kumurika imideri azahabwa igihembo cy’ibihumbi 25$, ubwo ni arenga miliyoni 25 z’amafaranga y’u Rwanda. Aba banyarwanda bitabiriye ni bamwe mu bazafasha aba bahanzi b’imideri kumurika kumurika imyambaro yabo muri iri rushanwa.

Aba bakobwa ni bamwe muri batandatu baherutse gutsinda mu irushanwa rya Rwanda Top model ryabaye tariki 28 Ukuboza 2022, aho hari hiyandikishe abasaga 150 ariko mu gutoranwa n’akanama nkemurampaka hatoranwamo 6. Embrace Africa Rwanda ltd niyo yari yategye iryo rushanwa, aho isanzwe inategura amarushanwa y’ubwiza no gufasha abanyamideri kugera ku ruhando mpuzamahanga.