Guhera tariki 8 Kamena 2023 mu gihugu cya Suede hagiye kuba irushanwa ryo gukora imibonano mpuzabitsina ryiswe ‘European sex championship’ aho abazaryitabira bazajya bahabwa byibura hagati y’iminota 45 n’isaha bari gukora imibonano mpuzabitsina nk’isuzuma. Ni nyuma y’uko imibonano mpuzabitsina yemejwe nk’umukino muri icyo gihugu.

Ibinyamakuru bitandukanye birimo Times of india byatangaje ko hamaze kwiyandikisha abantu bagera kuri 20 bazaba bahatana mu byiciro bitandukanye, birimo gutegura neza uwo mugiye gukorana imibonano mpuzabitsina, gukoresha umunwa mu gushimishanya, ubuhanga mu kunanura imitsi y’umubiri bigamije imibonano mpuzabitsina, ubuhanga mu guhindura uburyo bwo gukoramo imibonano mpuzabitsina, n’ibindi byinsh bijyanye na byo.

Umuyobozi w’iri rushanwa Dragan Braytch yatangaje ko iri rushanwa bariteguye mu kwerekana ko imibonano mpuzabitsina ari umukino nk’iyindi kandi yafashe mu mikorere myiza y’umubiri. Yavuze ko nk’uko indi mikino yose ibanza gukorerwa imyitozo, ari nako n’imibonano bigomba kugenda, akaba ari nabyo bashaa guteza imbere kuburyo uyu mukino uzamamara mu bindi bihugu byose byo mu Burayi, inzobere muri wo zikabona ibihembo by’intinzi.