Fabrice Nahimana Abantu batatu barimo umunyamakuru Ndayishimiye Rugaju Reagan ukorera Urwego rw’Igihugu rw’Itangazamakuru (RBA), biravugwa ko bafunzwe bakekwaho kunyereza amafaranga ya APR FC.
Amakuru aravuga ko Rugaju Reagan yatawe muri yombi hamwe na Kalisa Georgine wahoze ashinzwe umutungo muri APR FC cyo kimwe na Mugisha Frank ‘Jangwani’ usanzwe ari umuvugizi w’abafana ba APR FC.
Uko ari batatu batawe muri yombi ku mugoroba wo ku wa Gatatu tariki ya 30 Nyakanga 2025.
Aba bari mu bantu bari gukorwaho iperereza ku mafaranga ataratangazwa umubare yanyerejwe muri APR FC.
Ntiharamenyekana kandi uko bayanyereje.
Ibitangazamakuru birimo SK FM byatangaje ko Amafaranga avugwa ari ayifashishijwe mu mukino wa CAF Champions League 2024-25 wahurije APR FC na Pyramids mu Misiri, muri Nzeri 2024.
Rugaju ari mu banyamakuru bari baherekeje APR FC kuri uyu mukino APR FC yatsinzwemo ibitego 3-1.
