Uyu mutwe wa Hamas wo muri Gaza ukaba ufite umuvugizi witwa Abu Obeida, abinyujije ku rubuga rwe rwa Telegram yanditse atangaza ko kuri uyu wa Mbere tariki 23 Ukwakira, umutwe abereye umuvugizi warekuye abagore babiri baturuka muri Israel nyumwa y’ubuhuza bwakozwe na Misiri ndetse na Quatar.

Ibi kandi byagizwemo uruhare n’Umuryango Mpuzamahanga utabara imbabare kuko nawo waje kwemeza irekurwa ry’abo bagore. Hamas yatangaje ko abo bagore ari Yocheved Lifshitz w’imyaka 85 na Nurit Cooper w’imyaka 79.

Ibi kandi si ubwa mbere Hamas irekuye imbohe kuko mu cyumweru gishize Hamas yarekuye abanyamerika babiri. Ni mu gihe Israel ivuga ko Hamas yashimuse abaturage bagera kuri 200. Red Cross yanditse kuri X iti “Turizera ko vuba aha abarekuwe bongera guhura n’abo bakunda.

Iyi ntambara hagati ya IsraeL na Palestine yatangiye kuva tariki 7 Ukwakira muri Gaza kugeza nubu iracyakomeje aho habarurwa  abaturage bagera ku 5000 bamaze gupfa ku ruhande rwa Palestine, n’abandi bagera ku 1700 ba Israel.