Abasore babiri b’abatinganyi bahuriye ku mbuga nkoranyambaga bagatangira gukundana baje kuvumbura ko ari abavandimwe. Aba basore bombi Paul na Lee bamenye ko ari abavandimwe binyuze mu gusuzumwa kw’uturemangingo twabo (DNA test) nk’uko dailmail yabitangaje.

Aba basore uko ari babiri babanje guteretana imyaka ibiri yose bohererezanya ubutumwa bwuzuyemo urukundo, ntago bari baramenye ko bavuka ku mubyeyi umwe ndetse batazi ko bafitanye isano ya hafi. Ukuri kwamenyekanye ubwo umuryango wa Lee wahuraga na Paul umukunzi we maze bagatangira gukeka isano iri hagati ye n’umugabo wa nyina.

Ubwo ababyeyi ba Lee bamaraga kubikeka bafashe umwanzuro wo kujya kwa muganga gufatisha ibizamini bya DNA bizeye ko barasanga nta sano bafitanye, ariko siko byagenze kuko ibizamini byagaragaje ko Lee na Paul ari abavandimwe kuri nyina.

Mbere yo kubaha ibisubizo, umuganga witwa Kyle yabwiye Lee ati” ukorana imibonano n’umugabo ukunda kandi wishimira, ukaba unifuza ko azakubera uwo muzabana mu minsi iri imbere, ariko nanone muhuje umubyeyi kuko muravukana”.