Abaturage babiri bo mu karere ka Rutsiro, mu murenge wa Manihira mu kagali ka Muyira mu mudugudu wa Mujebeshi, bakubiswe n’inkuba barapfa undi umwe arakomereka. Aya makuru yamenyekanye kuwa 8 Nzeri 2023 ashimangirwa n’umunyamabanga nshingwabikorwa w’umurenge wa Manihira Basabose Alex.

Gitifu Basabose yavuze ko bari bategereje RIB kugira ngo ize ikore iperereza. Yaboneyeho kwibutsa abaturage kwirinda kugama munsi y’ibiti mu gihe imvura irimo kugwa.

Abishwe n’inkuba ni Seraphine Nzafashwanimana w’imyaka 21 na Ukurikiyeyezu Damascene w’imyaka 19 mu gihe uwakomeretse ari Hanyurwaniki Thomas w’imyaka 34 wahise ajyanwa kwa muganga ku kigo nderabuzima cya Rutsiro kugira ngo akurikiranwe.

Rwandanews24