Umugabo witwa Mporwiki Isaac wo mu karere ka Ruhango watawe muri yombi, akurikiranweho kwica imbwa y’umuturanyi. Abaturanyi bo bavuga ko yayiriye. Uyu mugabo w’imyaka 54 y’amavuko akomoka mu karere ka Huye, atuye mu murenge wa Bweramana, akagali ka Rubona mu mudugudu wa Kirambo.

Mutabazi Patrick, umuyobozi w’umurenge wa Bweramana yabwiye Umuseke ko amakuru na raporo bafite ari uko uyu Mporwiki yishe imbwa y’umuturanyi arayirya. Kuri ubu ariko icyaha akurikiranweho ni icyo kwica imbwa y’umuturanyi.

Gitifu Mutabazi avuga ko barimo gusaba nyiri iryo tungo kwihutira gutanga ikirego mu Bugenzacyaha. Amakuru aravuga ko uyu mugabo afite abandi bagenzi be bafatanyije kurya iyi mbwa, kandi bakaba barya amapusi n’ibisiga.