Dukuzimana Ignace Mu minsi mike ishize hacicikanye amakuru ku mbuga nkoranyambaga avuga ko Prince Kid yagiye gufata irembo kwa Miss Iradukunda Elsa bari hafi kubana nk’umugore n’umugabo. Ni nyuma y’uko uyu Elsa agaragaje umuhate ukomeye cyane mu gushaka kurenganura Prince Kid abantu ntibasobanukirwe impamvu yaba ibyihishe inyuma.
Amakuru Nkundineza Jean Paul yahaye Jallas avuga koi bi byo gufata irembo ari ibihuha kuko ntago byigeze bibaho, gusa Prince kid na miss Elsa igihe cyo kubana nk’umugore n’umugabo kikaba ari mbere yo mu kwezi kwa kane k’uyu mwaka, Nkundineza yagize ati “ iyo habaho gufata irembo nari kubimenya, ariko kubana kwabo byo ndabizi ni mbere y’ukwezi kwa kane k’uyu mwaka haramutse nta gihindutse.”
Nyuma y’uko Prince kid atawe muri yombi Miss Elsa yagaragaye akangurira abakobwa banyuze muri miss Rwanda kwandika inyandiko bavuga ko ntawigeze abangamirwa na Prince kid nk’ibyaba bamuregaga, biza kurangira anafunzwe ariko aza kurekurwa bivugwa ko azajya yitaba mu gihe runaka, amakuru Nkundineza yatanze avuga ko Miss Elsa yahawe kuburana kuri dosiye ye mu mwaka wa 2025.
Prince kid ubushinjacyaha bwaje kumujuririra kuwa 31 ukuboza 2022, amakuru akaba avuga ko yahawe itariki yo kuburana kuwa 10 werurwe 2023, kuri ubu urukiko rukaba rwari rwaramugize umwere kuwa 02 ukuboza 2022, ariko nyuma ubushinjacyaha buza kujurira butanga ibindi bimenyetso nk’uko twabibagejejeho muri iyi nkuru. Ngibi ibimenyetso ubushinjacyaha bwashingiyeho bujuririra dosiye ya Prince Kid.
Andi makuru dukesha Nkundineza yatangaje ko ibibazo Prince kid ashobora kuba yarahuye nabyo harimo n’ingaruka z’urukundo, nk’uko akunze kuvuga ko Miss Mutesi Jolly ariwe wihishe inyuma y’ibyabaye byose, avuga ko Mutesi yakundanye na Prince kid gusa nyuma bakaza gutandukana Prince kid amwanze aribwo yahise ajya mu rukundo na Elsa, aba bakobwa bombi bakaba barakurikiranye mu gutwara amakamba y aba nyampinga kuko Mutesi ni nyampinga wa 2016 mu gihe Elsa ari uwa 2017.
Dukuzimana Ignace 