Amanda akariza, ni umukobwa wabaye igisonga cya mbere muri miss Rwanda umwaka wa 2021, nyuma y’uko uhagarariye iri rushanwa ISHIMWE Dieudonne uzwi ku izina rya Prince kid afashwe n’urwego rw’ubugenzacyaha RIB, uyu mukobwa yavuze ibyo yari yaratinye kuvuga kuva kera bya ruswa y’igitsina ivugwa muri iri rushanwa.

Ubundi biragoye cyane ko ku mbuga nkoranyambaga wasanga iri rushanwa rya miss Rwanda abantu batari kurivugaho ibintu bigeye bitandukanye bagendeye ku byiyumviro byabo ndetse n’uko byabyumva batanga amanota, rero nyuma y’uko umuyobozi waryo afashwe na RIB kuri twitter mu ijoro ryo kuwa 26 haraye ibiganiro kuri space kuva nijoro burinda bucya bavuga kuri iri rushanwa.

Akariza Amanda wabaye igisonga cya 1 muri miss Rwanda 2021, yagize icyo yandika kuri twitter ye agaragaza ko hari ikintu asanzwe abiziho avuga ati” nari naririnze kugira icyo mbivugaho nta bimenyetso mfite kuko byari guteza ibindi bibazo byinshi”.

Nyuma y’uko RIB yinjiye muri iki kibazo ndetse umuyobozi w’iri rushanwa agafungwa, Akariza Amanda yiyemeje kuvuga kuri iki kibazo agaragaza ko yari yarabuze uko abivugaho aho yagize ati” ubu noneho ntabwo nshobora gukomeza guceceka. Ibi nanditse ni uburyo bwo kugaragaza aho mpagaze nizera ko byatera abakobwa imbaraga zo kwihagararaho bakabwira ibyabo police mu gihe babyifuza”.

Akariza Amanda yavuze ko ntawe avugira mu bakobwa bose bitabiriye irushanwa rya miss Rwanda, gusa ngo ariko yiteguye gushyigikira buri wese uzashaka kugaragaza ibyamubayeho. Ni inkuru dukesha ibyamamare .com.