Sammie, umugore wo muri Leta Zunze Ubumwe za Amerika, aherutse gutungurana ubwo yatangazaga ko yihangiye umurimo wo gukora amasuku yo mu ngo z’abantu yambaye ubusa ku gice cyo hejuru, kandi ko nibura ku munsi acyura amadolari 2000 (asaga miliyoni 2 Frw).

Ku wa mbere ushize abinyujije kuri TikTok, Sammie yatangaje ko uwo munsi warangiye yinjije ayo madolari nyuma yo gukora isuku mu nzu eshanu. Kugira ngo uyu mugore yemere gukora isuku mu rugo rumwe, yishyurwa amadolari 300, ubundi inzu yose akayizenguruka akora isuku yambaye ubusa ku gice cyo hejuru.

Muri ayo mafaranga ntabwo harimo ayo umukiliya ashobora kurenzaho kubwo kwishimira serivisi yahawe. Kugira ngo hatagira ikibazo kivuka, Sammie yitwaza ushinzwe kumurindira umutekano, nubwo we asigara yicaye hanze mu modoka amutegereje, kugira ngo hagize ikibazo hakaba umuntu ushatse kumuhungabanya, ubutabazi bwihute. Uwo muntu ushinzwe umutekano wa Sammie amwishyura 35 % by’ayo baba bakoreye, bivuze ko nko kuwa mbere ushize uwo murinzi yacyuye amadolari 800. src: Igihe