Isimbi Alliance wamenyekanye cyane nka Alliah Cool, akomeje kwandika amateka kuri uyu mugabane nyuma yo kuba umwe mu banyarwanda babashije gutanga ibihembo bya Trace Awards dore ko byavugishije abantu batari bake, mu bihembo byatangiwe mu gihugu cya Nigeria Alliah Cool yongeye kwigaragaza atwara igihembo cya Great Achiever Awards nk’uwagize uruhare mu iterambere ry’imyidagaduro.

Alliah Cool abinyujije ku rukuta rwe rwa Instagram nyuma yo kwegukana iki gihembo, nk’uwagize uruhare mu guteza imbere imyidagaduro mu Rwanda, yatanze ubutumwa burebure bwuzuyemo imbamutima ze. agira ati” Ni ibyagaciro cyane kuri njye kuba negukanye iki gihembo kandi ni ibintu bidasanzwe kubera ko gitangirwa muri Nigeria igihugu gifite abanyempano benshi mu myidagaduro, gukina Filime ndetse muri Afurika kikaba cyaranditse izina ku Isi”.

Alliah mu butumwa bwe burebure yakomeje agira ati” Nagira ngo mumenye ko iki gihembo cyerekana imbaraga z’abanyarwanda n’abanyarwandakazi bakora cyane ngo bateze imbere imyidagaduro ndetse baheshe u Rwanda icyubahiro. Ndabashimira kuba mwaramenye imbaraga zanjye, ubushobozi bwanjye ndetse n’uruhare rwanjye mu guteza imbere ubuhanzi na sinema ku mugabane wa Afurika ndetse no ku Isi muri rusange”.

Alliah Cool wavuga nk’umwe mu bagore bafite ifaranga amaze kubaka izina mu myidagaduro yo kuri uyu mugabane wa Afurika, kuko aherutse no kuba umwe mu batanze ibihembo bya Leadership Excellence(LEEX) byatangiwe aho mu gihugu cya Nigeria ku wa 11 Ugushyingo 2023, byari bigamije guhemba abantu bagize uruhare mu bikorwa by’indashyikirwamu nderi zitandukanye cyane cyane abayobozi bo muri iki gihugu.