Israel Mbonyi yataramiye abakunzi be mu gihugu cy’u Bufaransa mu mpera z’icyumweru gishize, kiba igitaramo cya gatatu akoreye mu Burayi nyuma y’ibyo yakoreye mu Bubiligi no muri Suede. Iki gitaramo cyabaye kuwa 24 Kamena 2023, kikaba cyarateguwe na sosiyete ya Jenny Events isanzwe itumira abahanzi by’umwihariko abanyarwanda ikorera mu Bufaransa.

Habura amasaha make ngo igitaramo gitangira, ubuyobozi bw’iyi sosiyete ndetse na Mbonyi batangaje ko amatike yamaze gushira. Hari hashyizwe hanze amatiki 800 yose arashira, Mbonyi akorera igitaramo mu cyumba cyakubise cyuzuye.

Muri iki gitaramo abakunzi ba Mbonyi bagaragaje ko banyuzwe na we cyane. Mbonyi yahise ashyira hanze indirimbo ‘Nina Siri’ iri mu rurimi rw’igiswahili, ikaba iri kuri album ye ya kabiri ateganya kumurika mu mpera z’uyu mwaka.