Dukuzimana Ignace Itorero inyamibwa rigiye gutaramira muri Kigali convention and exhibition village ahazwi nko muri camp Kigali mu gitaramo cyo kwizihiza isabukuru y’imyaka 25. Mu masaha ya saa kumi n’imwe nibwo abantu bari benshi cyane bagana kuri KCEV bakereye igitaramo “Urwejeje Imana” mbere y’urugendo abagize itorero bagize bava kuri Marriot Hotel. 
Uru rugendo rusobanura urugendo iri torero ryanyuzemo kuva ryashingwa kuva mu mwaka wa 1998, aho ryashinzwe n’abanyeshuri barokotse jenosiode yakorewe abatutsi mu mwaka wa 1994 bigaga muri kaminuza nkuru y’u Rwanda isigaye yarabaye kaminuza y’u Rwanda ishami rya Huye. Kuva icyo gihe iri torero ryagize akamaro kuri benshi, baba abari bavuye mu bihe bibi muri Jenoside ndetse n’inganzo yabo igafasha benshi. 
Ibyiza bagezeho nibyo byatumye iki gitaramo bagitura Imana. Kwinjira muri iki gitaramo ni amafranga ibihumbi 5000frw, 15000frw, 20000frw ndetse n’ameza 200000frw gusa aha ni kubaguze amatike mbere kuko ku muryango ibiciro biregenda byoyongera. 
Dukuzimana Ignace 