Amafoto utigeze ubona y’akarasisi k’abafana ba Rayon Sport kuri ‘Rayon day’

Kuwa Gatandatu tariki 5 Kanama 2023, abakunzi ba Rayon Sports bizihije umunsi w’Igikundiro w’iyi kipe, umunsi wabereyemo byinshi bitandukanye muri Kigali Pele Stadium. Ibi birori byerekanirwamo abakinnyi bashya n’abatoza, abafatanyabikorwa n’imyambaro mishya, bimaze kuba umuco kuri Gikundiro yizihije uyu munsi ku nshuro ya gatatu yikurikiranya.

Iyi kandi ibaye inshuro ya kane kuva muri 2019. Kuri iyi nshuro, byabanjirijwe n’akarasisi k’Abafana mu mihanda y’I Nyamirambo, kari kitabiriwe n’abarimo perezida w’iyi kipe, Uwayezu Jean Fidele, aho abakunzi b’iyi kipe bari banafite ibikombe byombi yegukanye mu mwaka w’imikino ushize wa 2022/2023.

Inkuru Wasoma: Umugabo wahanuye mu myaka 7 ishize uko final y’igikombe cy’isi cya 2022 izarangira yatangaje benshi.

Guhera mu masaha y’igitondo kuri uwo munsi, abafana benshi ba Rayon Sports bari babukereye mu kwishimira umunsi wabo, ufatwa nk’umunsi ukomeye kuri bo (Umunsi w’Igikundiro). Umutambagiro wari ugizwe n’indirimbo zisingiza iyi kipe, ibyapa by’abafatanyabikorwa babo ndetse n’icyapa kinini cyanditseho amagambo ashimira perezida wa Repubulika y’u Rwanda, Kagame Paul.