Mukayizere Jalia Nelly wamenyekanye nka Kecapu yifashishije amafoto amugaragaza ko yitegura kwibaruka yifuriza isabukuru nziza y’amavuko umugabo we Mutabazi Jean Luc. Ni amafoto yagaragaye ku mbuga nkoranyambaga nka Instagram na Twitter kuri uyu wa 13 mutarama.

Ikintu cyatangaje abantu ni ishusho y’igisumba ishushanyije ku nda ye, ndetse n’uburyo yari afite ihene mu ntoki ariko nanone ntago habuze ku kuvuga ukuntu inda ari inkuru kandi nta mezi 9 ashize ashyingiwe byumvikana ko hari harimo akantu. Ni amafoto Kecapu yavuze ko bafashe nk’urwibutso rw’ibihe barimo byo gutegereza umwana wabo wa kabiri. Ati “Ibihe byo gutwita ni ibihe bikomeye ku muryango, ni igihe umuntu aba akeneye kubika nk’urwibutso.” Kecapu agiye kwibaruka nyuma y’umwaka akoze ubukwe n’umugabo we Jean Luc bashyingiranywe mu mpeshyi ya 2022.

Mu minsi ishize ubwo yakomozaga ku nkuru y’urukundo rwe mu kiganiro twagiranye, Kecapu yagize ati “Ni umusore twamenyanye mu 2009, mu 2010 twari dutangiye gukundana ariko urumva twari tukiri abana. Byagiye bitugora tukaburana ubundi tugahura ariko uyu munsi ni we turi gukundana kandi rwose sinabahisha ko tumeranye neza.” Ubusanzwe Kecapu ni umukinnyi wa filime wabigize umwuga ugezweho mu yitwa ‘Bamenya’ itambuka kuri YouTube.

Ku mafoto, reba uko byari bimeze mu bukwe bwa Kecapu.

Amafoto: Ibyamamare nyarwanda bimaze gukora ubukwe muri uyu mwaka wa 2022

https://twitter.com/wabakire/status/1613658382052859925

Kecapu abinyujije ku rukuta we rwa Instagram yasangie abamukurikirana amafoto agaragaza ko atwite yishimanye n'umugabo we, amutera imitoma ndetse amwifururiza isabukuru nziza y'amavuko. pic.twitter.com/RQA8U3Jlu8

— IsangoStar (@isangostar) January 12, 2023