Mu byishimo byinshi, umuhanzikazi Sunny umaze igihe atagararaga mu muziki nyarwanda yagaragaje amarangamutima, ubwo yerekanaga ifoto ya selfie yifotozanyije n’uwahoze ari perezida wa Kenya, Uhuru Kenyata.

Ni ifoto ya selfie yifotoje afite ibyishimo bidasanzwe, nuko mu magambo arenzaho agira ati “niba sosiyete yisanzuye idashobora gufasha benshi bakennye, ntishobora gufasha bake bakize. Abagabo bose bashobora kwihanganira ingorane, ariko niba ushaka kugerageza imico y’umugabo, umuhe imbaraga.”

Ubusanzwe uyu muhanzikazi abarizwa mu gihugu cya Kenya, akaba yibera mu mirimo y’ubushabitsi aho rimwe na rimwe akunda kubifatanya n’ubuhanzi, ari naho abantu benshi mu Rwanda bamumenyeye nko mu ndirimbo ‘Kungola yafatanije na Bruce Melodie’ n’izindi.