amakuru yatangajwe n’ibinyamakuru byo muri Repubulika Iharanira Demokarasi ya Congo aravuga ko hari umu Colonel witwa Gereyadi wo muri FARDC wafunzwe nta cyaha ashinjwa ahubwo bigakekwa ko ari uko yaba ari Umunyamulenge.

Bivugwa ko aho afungiwe yaba afunganwe n’abandi nyuma y’uko bafatiwe mu nkambi y’igisirikare cya FARDC, izwi ku izina rya Kokolo, iherereye mu murwa mukuru wa RDC i Kinshasa. Aya makuru nk’uko yatangajwe n’ikinyamakuru MCN dukesha iyi nkuru bavuze ko Colonel Gereyadi yafashwe mu gicuku cyo mu ijoro ryo ku wa Mbere rishyira iryo kuri uyu wa Kabiri.

Abahaye amakuru iki kinyamakuru dukesha iyi nkuru, MCN, bavuze ko ashobora kuba y’azize ubwoko bwo kuko ari Umunyamulenge. Aba bakomeza bavuga ko uyu Coloneli afunganwe n’abandi harimo umugore w’umunyamulenge usanzwe akora ubucuruzi muri iki gihugu.

Kugeza ubu igisirikare cya FARDC ntacyo kiratangaza ku by’aya makuru, nyamara bikaba bivugwa ko bafungiwe mu rwego rw’iperereza rya gisirikare rizwi nka ‘Demiap’, iherereye mu Mujyi wa Kinshasa mu murwa mukuru wa RDC.