Kuri uyu wa 15 ukuboza 2022 nibwo amanota y’abanyeshuri bakoze ikizamini cya leta yagiye ahagaragara ndetse abakobwa bigaragara ko batsinze ku rugero ruri hejuru y’urw’abahungu. Nyampinga w’u Rwanda wa 2022 Muheto Divine nawe ari mu banyeshuri bakoze ikizamini cya leta, gusa amanota agisohoka ku mbuga nkoranyambaga abantu batangiye kumuvugaho cyane ndetse hari n’abatanze amakuru bavuga ko yatsinzwe.

Kugira  ngo dukure urujijo kubyavugwaga kuri Muheto Divine, IMIRASIRE TV twagerageje gushaka intandaro y’ibiri kuvugwa kuri Muheto cyane ko we ubwe atigeze ajya hanze ngo atangaze amanota yagize, tuza gusanga impamvu nyamukuru bari kumuvugaho ari ibyabaye mu myaka yashize kuri mugenzi we wigeze gutwara ikamba rya nyampinga ariwe miss Ishimwe Naomie.

Ubwo yatwaraga ikamba rya miss Rwanda mu mwaka wa 2020, amanota y’ibizamini bya leta yaje gusohoka atagize amahirwe yo gutsinda icyo gihe byabaye indirimbo kuri we, byatumye abanyarwanda benshi basigara bafitiye amatsiko abakobwa bitabira irushanwa rya miss Rwanda, nubwo mu mwaka wa 2021 babuze amahirwe yo kugira icyo bavuga kuwaritwaye kuko we yari yararangije kaminuza muri leta zunze ubumwe za amerika.

Uretse abari gutangaza amanota ya Miss Muheto ku giti cyabo ariko we ntago aratangaza amanota ye kandi abari kuyatangaza nabo nta gihamya babifitiye. Miss Muheto yize amashuri yisumbuye muri FAWE girls I Gahini.

Urutonde rw’abagore bakundanye na Diamond Plutinumz bigatuma yitwa Gapfizi.

Abaturage bavuze uko byagendekeye umugabo wapfiriye muri resitora arimo kurya.