Fabos Fali 
Leta Zunze Ubumwe za Amerika zirimo kugirana ibiganiro n’umutwe witajwe intwaro Hayat Tahrir al-Sham (HTS), wagize uruhare rukomeye mu guhirika ubutegetsi bwa Perezida Bashar al-Assad wa Syria mu cyumweru gishize.
Ibi biganiro ahanini bigamije guhuza ibihugu byombi nyuma y’impinduka mu butegetsi bwa Syria.
Ni ibyatangajwe n’Umunyamabanga wa Leta muri Amerika ushinzwe Ububanyi n’Amahanga, Antony Blinken, mu kiganiro yagiranye n’abanyamakuru ku wa 14 Ukuboza 2024, gusa ntiyasobanuye uburyo ibyo biganiro bikorwamo.
Blinken ubwo yabazwaga niba Amerika iri kugirana ibiganiro n’umutwe witwaje intwaro wahiritse ubutegetsi bwa Assad, yagize ati “Yego, turi kuvugana na HTS ndetse n’andi mashyaka. Ni ibiganiro biziguye.”
HTS ikiri ku rutonde rw’imitwe y’iterabwoba muri Leta Zunze Ubumwe za Amerika, ndetse hari n’igihembo cya miliyoni 10 z’Amadorali, Amerika yemereye umuntu wese watanga amakuru yafatisha umuyobozi wayo, Abu Mohammad al-Julani.
Abu Mohammad al-Julani aherutse kugaragaza ko HTS ishaka guhindura isura yayo ndetse avuga ko iri gushaka kuzana amahoro mu gihugu.
Fabos Fali 
