Kuri uyu wa Kabiri tariki ya 1 Kanama 2023 nibwo perezida wa Repubulika y’u Rwanda, Paul Kagame yayoboye inama y’Abaminisitiri. Iyi nama ikunda kuba buri kwezi iba iri kwiga ku ngingo zigaruka ku bukungu bw’Igihugu.

Mu myanzuro y’Inama y’abaminisitiri yabaye, Ange Kagame, umukobwa wa perezida Paul Kagame yahawe akazi muri perezidansi aho yagizwe umuyobozi wungirije w’Akanama gashinzwe ingamba na Politiki za Leta (Deputy Exective Director, Strategy & Policy Council/ SPC).

Muri iyi nama kandi hafatiwemo ibindi byemezo nk’ibyerekeye kurengera umudendezo w’abaturage muri rusange, aho utubari twahawe amasaha yo gufunga ntarengwa haba mu mibyizi no muri weekend, aho mu minsi isanzwe nta kabari kazajya karenza isaha ya saa saba za nijoro gafunguye, mu gihe muri weekend kuwa gatanu no kuwa gatandatu nta kurenza saa munani, ushaka kurenza icyo gihe cyagenwe, agahabwa uruhushya hashingiwe ku mabwiriza azatangwa na RDB.