Dukuzimana Ignace Tariki 9 ukuboza 2022 nibwo apotre Mutabazi yashyize hanze amafoto y’imodoka avuga ko ari iye yamenetse ibonyoteri ndetse n’ibirahuri ndebanyuma, nuko arenzaho ubutumwa bugira buti” Umuntu wameneye imodoka rwose ntazongere ubutumwa bwe bwumviswe! Ariko yagombaga kunsigira n’agapapuro kabisobanura neza kugira ngo menye icyo namubangamiyemo ntazongera cyangwa mubabarize icyarimwe.”
Umuntu wameneye imodoka rwose ntazongere ubutumwa bwe bwumviswe! Ariko yagombaga kunsigira n'agapapuro kabisobanura neza kugira ngo menye icyo namubangamiyemo ntazongera cyangwa mubabarize icyarimwe #HATERSHATERS pic.twitter.com/3FH14PQdPB
— MUTABAZIKABARIRA Maurice (@MweneKabarira) December 9, 2022
Si ubwa mbere uyu mugabo yari avuze ko yamenewe imodoka kuko no mu mezi yashize yigeze kuvuga ko bamutoboreye amapine y’imodoka, ndetse ngo binatuma yimuka aho yari atuye kubera ko ngo aria bantu bashakaga kumugendaho bashaka kumukura ku isi akaba ari gucungana nabo.
Ubutaha buriya muzamena iki? pic.twitter.com/LPKXsOQmD4
— MUTABAZIKABARIRA Maurice (@MweneKabarira) December 9, 2022
Mu kiganiro yagiranye na Xlarge kuri uyu wa 9 ukuboza n’ubundi, aganira n’umunyamakuru Mutabazi yagaragaje impamvu zose zishoboka z’ibintu yaba yaravuzeho byose ubwo yakoraga ibyo yita ubusesenguzi, birangira agaragaje ko kuba yaravuze kuri Prince kid nyuma yo gufungurwa ko adakwiriye kongera guhabwa kuyobora miss Rwanda aribyo ntandaro yo kuba yarahemukiwe imodoka ye bakayimena.
Muri iki kiganiro kandi Mutabazi yagaragaye asaba ubufasha mu buryo bwo gutakamba, ko abantu bamukurikira ashakamo abantu 10 byibura buri wese akaba yamuha ibihumbi 100 maze bagakiresha imodoka ye kugira ngo umwanzi we amware, ndetse anavuga ko uwa mbere yamaze kumubona ubu akaba afite ibihumbi 100.
Apotre Mutabazi ajya kumenyekana cyane ku mbuga nkoranyambaga hari nyuma y’uko prince kid atawe muri yombi agatangira kumukoraho ibiganiro, aho yaje kujya atanga ibitekerezo bipfobya abandi nabo batanga ibitekerezo kuri we, kuri ubu akaba avuga ko yinjiye muri politike anategereje ko igihe runaka azahamagarwa akajya kuyobora umwe mu myanya iri muri leta.
Dukuzimana Ignace 