Dukuzimana Ignace Umusaza witwa Naason Bagirishya utuye mu mudugudu wa Nyagacaca, akagari ka Muhororo, Umurenge wa Kilimbi ho mu karere ka nyamasheke, aratabaza inzego zitandukanye ndetse n’abagiraneza kubera inzara imumereye nabo bigakubitiraho no kuba arembeye mu nzu ya wenyine.
Ubwo yaganiraga n’itangazamakuru, yatangaje ko abayeho nk’utariho kubwo kuba umunsi ushira ntacyo akojeje mu kanwa haba kurya no kunywa,kuri we akaba nta minsi asigaje ku isi kubera inzara bityo akaba asaba ubufasha mu buryo bwose kubera ko ubuzima bwe buri mu marembera. Bamwe mu baturanye n’uyu musaza bavuga ko yitaweho byakongera iminsi ye yo kubaho kuko yugarijwe n’inzara ikabije kimwe n’umwanda kubera kubura ibyo kurya ndetse n’abamwitaho.
Umwe yagize ati” twe twibaza uko ikibazo cya Naason cyakemuka bikatuyobera, natwe ubwacu nta bushobozi twabona bwo kumwitaho. Bityo turasaba inzego za leta n’izamatorero kumufasha dore ko bavuga ko Imana yigaragariza mu bayoboke bayo”. Yakomeje avuga ko kubaho muri ubu buzima bwa Naason bishobora kongera ububabare ahura nabwo bikaba byatuma aniyahura.
Undi muturanyi yavuze ko iyo arebye Naason akareba n’abirirwa basenga bituma yibaza byinshi, kandi gusenya kwa nyako aro ugufasha abakeneye ubufasha, anakomeza yibaza icyo abanyamatorero baturanye bamumariye, akibaza uko nta n’umushumba n’umwe wigeze umusura kandi bizwi ko amaranye ibibazo igihe, bityo akabifata nko gutuka Imana.
Ubwo realrwanda dukesha iyi nkuru bashakaga kumenya icyo ubuyobozi bubivugaho, begereye umukuru w’umudugudu wa Nyagacaca yanga kubavugisha, avuga ko atavuga adfahawe uburenganzira na gitifu, byatumye bahamagara gitifu amaze kumenya ko ari abanyamakuru ahitamo gukupa telephone.
Ku murongo wa telephone bahamagaye umuyobozi w’akarere ka Nyamasheje Mukamasabo appolonie ntiyafata telephone, byatumye bamwandikira ubutumwa bugufi bamubaza niba iki kibazo yaba akizi n’icyo bateganya kugikoraho ariko ntiyasubiza. Source: realrwanda.com
Dukuzimana Ignace 