Umugabo witwa Hategekimana Jean Damascene uzwi ku izina rya Moso, w’imyaka 50 utuye mu mudugudu wa Muhari, akagari ka Kamatita Umurenge wa Gihundwe akarere ka Rusizi arakekwaho kwica umugore we witwa Nyiransabimana Dorothea na we wari ufite imyaka 50 bakaba bari bamaranye imyaka 11 babana ariko uyu mugabo yaramwinjiriye.  Inkuru y’umugore uri mu kaga gakomeye kubera umweenda yafashe ngo yishyure umu pasiteri amusengere

Abaturage batuye muri aka gace hamwe n’umunyamabanga nshingwabikorwa w’umurenge wa Gihundwe Ingabire Joyeux babwiye Bwiza dukesha iyi nkuru ko ubwo umugabo wa nyakwigendera yamaraga kwitaba Imana babyaranye abana babiri, uyu mugabo Moso yahise yinjirira uyu mugore bari bamaranye imyaka 11 babana.

Abaturage bavuze ko nta makimbirane bari bazi asanzwe muri uyu muryango nabo bakaba batunguwe, bityo bakaba bategereje ibizava mu iperereza ry’urwego rw’igihugu cy’ubugenzacyaha RIB. Bakomeje bavuga ko uwo mugabo yahise atoroka akaba ashakishwa, ariko bakifuza ko nafatwa azaburanira mu ruhame iwabo aho yakoreye icyaha kugira ngo basobanukirwe impamvu yishe umugore we.

Ingabire Joyeux gitifu w’uyu murenge yatangaje ko amakuru bayamenye bayabwiwe n’uwari uri kugenda mu ngo z’aho ashaka abakobwa babyariye iwabo, kubera ko mu ban aba nyakwigendera babyaranye harimo umwe wari ukibana na nyina wabyariye iwabo inshuro 2 kuri ubu akaba atwite iya gatatu, nibwo mu ma saa kumi n’ebyiri zo kumugoroba kuwa 19 werurwe uwo muntu yatanze amakuru.

Gitifu yakomeje avuga ko nubwo amakimbirane atagaragaraga inyuma ariko bishoboka ko yari ahari bikaba ari ibintu binagoye cyane gukemura ikibazo cy’amakimbirane kitaragazwa naba nyiracyo. Yakomeje asaba imiryango kwirindi amakimbirane nk’aya akurura urupfu kuko n’uwishe undi nta nyungu abikuramo. Nyakwigendera yashyinguwe kuri uyu wa 20 werurwe 2023.