Kuri sitasiyo ya RIB ya Muhoza mu karere ka Musanze, hafungiwe abagabo batatau bafashwe bamaze gusenya moto bikekwa ko bibye, ibyuma byayo babibitse mu mufuka. Umuvugizi wa polisi mu ntara y’amajyaruguru SP Alex Ndayisenga yavuze ko aba bagabo batawe muri yombi kuwa 14 gicurasi 2023 mu mudugudu wa Nyamuremure, akagari ka Kigombe muri Muhoza.

Nk’uko byanyujijwe ku rubuga rwa polisi, SP Ndayisenga yagize ati “twahawe amakuru n’umuturage k’umugoroba wo kuwa gatandatu, ahagana ku isaha ya saa moya ko yibwe moto n’abantu atamenye bayikuye mu cyumba yari ibitsemo. Mu iperereza ryakozwe hafashwe abagabo batatu mu gitondo cyo ku cyumweru nyuma y’uko abapolisi babasatse bakabasangana umufuka wari ubitsemo ibyuma bya moto yibwe na numero yayo bari bahishe mu nzu itaruzura yubatse muri uwo mudugudu.”

Abafashwe bemeye ko iyo moto bayibye, ndetse bemera ko ubwo bafatwaga bashakaga abagura ibyo byuma byayo.