Kuri uyu wa Gatandatu Tariki ya 2 Nzeri 2023 ahgana saa ine n’iminota 5 z’amanwa, imodoka yari itwaye abantu 12 yakoze impanuka mu karere ka Nyarugenge abantu batandatu bari bayirimo bahasiga ubuzima, abandi batanu barakomereka. Byabaye ubwo iyo modoka yari igeze mu murenge wa Kigali mu muhanda ugana ahitwa Norvege.

Umuvugizi w’ishami rya polisi rishinzwe umutekano wo mu muhanda, SP Irere Rene yavuze ko iyi mpanuka yatewe n’uko umushoferi yataye umuhanda, aho umwe muri abo bantu imodoka yari itwaye ari we wavuyemo atagize icyo abaye. Yakomeje avuga ko impanuka ishobora kuba yatewe no kutaringaniza umuvuduko ku mushoferi wa uyitwaye.

Icyakora haracyakorwa iperereza ku cyateye iyi mpanuka nyirizina. Amakuru avuga ko abantu bari mu modoka yakoze impanuka ari abo mu muryango we bari bagiye gusura bene wabo mu karere ka Kamonyi.