Bienvenue Redemptus yasezeranye na Igihozo Divine bari bamaze imyaka itatu mu munyega w’urukundo. Bienvenue Redemptus yamenyekanye cyane mu kigo cy’itangazamakuru RBA nk’umunyamakuru.

Uyu muhango wabaye kuwa 28 gicurasi 2023 I Nyamirambo mu rusengero rya Soul Healing revival church. Bienvenue Redemptus na igihozo Divine basezeranye mu mategeko kuwa 30 werurwe 2023 mu murenge wa Rwezamenyo. Icyo gihe Bienvenue Redemptus yatangaje ko mu gihe amaze akundana n’umugore we hari byinshi yamukundiye ariko birimo kuba yitonda, yihangana akanita kuri buri kimwe.

Bienvenue Redemptus kuri ubu ntakibarizwa mu itangazamakuru ahubwo akora mu kigo gishinzwe ingufu REG (Rwanda Energy Group) mu ishami rishinzwe guhuza ibikorwa by’icyo kigo n’abakigana mu gihugu hose mu ishami rya ‘External link department’.

Bienvenue Redemptus yegukanye ibihembo by’umunyamakuru usoma amakuru neza kurusha abandi kuri television mu mwaka wa 2016 na 2018. Asanzwe kandi ari n’umuhanga mu kuyobora imisango y’ubukwe akaba n’umushyushyabirori.