Gushinga urugo bikorwa nk’uko habaho andi mabwiriza atandukanye, haba gushyiraho ubuyobozi mu bihugu bitandukanye cyangwa se kumenyera gutura mu nzu, kuburyo usanga urugo ari ubuzima rusange kandi bw’umuco, gusa nanone buri gihugu cyangwa se agace ugasanga hafite amabwiriza bagenderaho iyo bigeze ku gushing urugo, ayo mabwiriza agakurikizwa ukanasanga abatuye hamwe bayumva bagatangara cyangwa se bakumva batayakurikiza mu gihe abandi bo bumva aribwo busima busanzwe.  Byinshi wamenya ku munsi wo kubeshya

Nk’uko gushinga urugo bibaho, usanga nko mu bihugu by’abazungu gatanya ari ikintu cyoroshye cyane kandi ugasanga buri wese ubangamiwe n’urugo ayisabira igihe ashakiye kandi ntabangamirwe cyangwa ngo ahabwe amabwiriza akakaye, mu gihe hari n’ibindi bihugu iyo umugore n’umugabo bashinze urugo biba birangiye aba ari ukubana akaramata.

Si ibyo gusa rero, hari n’ibindi bihugu bitandukanye aho umukobwa yuzuza imyaka runaka akaba agomba gushaka umugabo. Hari n’ahandi abakobwa bashakira umugabo igihe bashakiye, ndetse yewe hari n’aho isanga gushaka umugabo cyangwa umugore ushaka Atari amahitamo yawe ahubwo ugomba gushaka uwo sosiyete wisanzemo igutegeka waba ubishaka cyangwa utabishaka.

Muri iyi nkuru tugiye kukugezaho ibihugu byo muri Afrikan’ahandi  aho umukobwa ugejeje hagati y’imyaka 10 na 13 aba agomba gushaka umugabo nta yandi mananiza ashyizeho.

ANGOLA: muri iki gihugu nubwo hamaze igihe hari abantu bamagana iyi mico, ariko muri iki gihugu umukobwa ukuze aba agomba gushaka umugabo hatitawe ku myaka afite, uwakuze vuba agashaka kuburyo usanga n’umwana w’imyaka 12 yashatse umugabo kubera ko igihagararo cye kimugaragaza nk’umuntu mukuru.

SUDAN: amabwiriza y’idini ryabo abemerera ko umukobwa ukuze mu gihagararo ashaka umugabo batagendeye ku mico y’abazungu. Nta kindi kintu bashingiraho uretse imyemerere y’idini kandi abenshi muri iki gihugu basengera muri Isilamu.

JAPAN: ubuyapani iyo bigeze ku gushing urugo bahita birengagiza ko ari igihugu gikize bagasubira mu muco, kuburyo umukobwa ugejeje ku myaka 13 ahita ashaka umugabo nta mananiza, ariko nanone ntago babyumvikanaho kimwe muri iki gihe kuko hari abatekereza ko umukobwa ugeze kuri iyo myaka aba aribwo yakagiye mu by’imibonano mpuzabitsina byibura akazashaka umugabo ageze ku myaka 16.

Nubwo bimeze gutya byinshi mu bihugu byo muri Afurika byagiye byiyambura iby’imico ahubwo bifata imico y’abazungu, aho batangiye kugendera ku gushyingira abakobwa bageze ku myaka 18 ndetse n’abahisemo kuyigira hejuru yayo nk’u Rwanda rwafatiye ku myaka 21.