Umusore w’imyaka 26 y’amavuko witwa Uwimana Albert wo mu karere ka Gicumbi yasanzwe mu gikoni cy’inzu yari amaze iminsi aguze, yapfuye. Umurambo we wabonye ku gicamunsi cyo kuwa 29 Ukwakira 2023 mu mudugudu wa Rusayu, akagali ka Kigogo mu murenge wa Nyankenke.

Abaturanyi be bavuga ko bakeka ko yaba yariyahuye kuko aho bamusanze bahasanze impumuro y’imiti yica udukoko kandi nta gikomere yasanganwe. Ni umusore wari ukiri ingaragu, bamusanze mu gikoni cy’inzu yari amaze iminsi aguze nk’uko byemeza na Gitifu wa Nyankenke, Manishimwe Jean de la Croix.

Gitifu Manishimwe yavuze ko iperereza ryatangiye kugira ngo hamenyekane icyamuhitanye mu gihe umurambo we wahise ujyanwa mu bitaro bya Byumba kugira ngo ukorerwe isuzuma.