Mu kiganiro umuhanzi nyarwanda Itahiwacu Bruce uzwi nka Bruce Melodie amaze iminsi akoze, yeruye avuga ko umunyamakuru witwa Nsengiyumva Emmanuel uzwi nka Emmy ku kinyamakuru Igihe amwanga cyane, aho yagiye akora ibiganiro bitandukanye kuri we by’ibihuha amusebya kuva kera kugera no muri uyu mwaka turimo. Bruce Melodie yavuze ko kubiceceka abirambiwe, ndetse ngo uyu Emmy hakaba hari amafaranga amwaka.

Mu myaka yashize higeze kuvugwa inkuru z’uko hari umukobwa witwa Agasaro Diane, umuhanzi Bruce Melodie yateye inda ariko akamwihakana. Kuri ubu uwo mukobwa bivugwa ko asigaye aba mu gihugu cya Uganda. Bruce Melodie ya Emmy icyakora bahoze ari inshuti kuva kera, ariko ubushuti bwabo hazamo agatotsi kubera uyu mukobwa.

Agatotsi kajya kuvuka hari igihe kimwe ubwo I Nyamirambo hari habereye ibitaramo bya Guma Guma, Emmy wari umunyamakuru aza kubona Bruce Melodie ari kumwe n’umugore we basigaye babana muri iki gihe,atwite anamufashe akaboko ku kandi, ahita ajya gukora inkuru ivuga ko ‘Umukobwa wa kabiri Bruce Melodie yateye inda yagaragaye’ ubwo ni nyuma y’uko hari haravuzwe ko yateye inda n’uwo Agasaro Diane.

Nubwo bakomeje kuba inshuti ariko bakunze kujya banashwana cyane. Kuwa 16 Gicurasi 2015 nibwo Bruce Melodie yaje kwemerera ikinyamakuru Kigali Today ko yabyaye umwana we w’imfura mu minsi 4 ishize, nubwo yari yarakomeje gutera utwatsi ko yabyaye (n’uwo mugore babana ubu).

Amakuru dukesha JB Rwanda avuga ko, nyuma gato y’uko Bruce Melodie avuye gukorera igitaramo I Burundi, bwa mbere ubwo yageragayo agafungwa, aribwo umubano we na Emmy noneho wahagaze burundu, aho ngo bapfuye ko iri tsinda rya Bruce Melodie Emmy yari arimo yaje kurikurwamo, bitewe n’uko amakuru yarivugirwagamo yose Emmy yayajyanaga ku rundi ruhande bivugwa ko rutumvikana na Bruce Melodie.

Ngo Emmy abonye bimeze gutyo, nibwo yahise afata terefone ahamagara wa mugore wabyaranye na Bruce Melodie aho ari mu gihugu cy’abaturanyi, aramubwira ati “Bruce Melodie yarakize, amaze kugira amafaranga, ngwino tumurege bamuryoze ibyo yagukoreye byo kugutera inda.” Aho ngo ni naho Bruce Melodie yahereye avuga mu kiganiro ko Emmy hari umuntu we ashaka kujyana mu nkiko.

Umubano wa Bruce Melodie na Emmy umaze kurangira, nibwo hatangiye kugaragara ko Emmy na Bruce Melodie batumvikana, nk’urugero ubwo aherutse kujya kuririmba I Burundi, hari inkuru yasohotse ku kinyamakuru Emmy yanditse avuga ko ngo ibya Bruce Melodie polisi y’I Burundi yabyivanzemo amaze kuririmba indirimbo yaciwe mu Burundi ‘Akinyuma’ aho Bruce Melodie yanditse avuguruza iyi nkuru.

Yakomeje ivuga ko kandi ngo uretse n’ibyo Emmy ashobora kuba yarakundaga uwo Diane wabyaranye na Bruce Melodie. Gusa nubwo bimeze gutyo, Bruce Melodie nk’izina rinini abantu bamukurikiye bari kuvuga ko bidashimishije na gato guhaguruka akajya mu itangazamakuru agatangaza ko hari abanyamakuru bamwanga cyane, bibaza icyo abamushinzwe kugenzura umuziki we nka ‘Management’ bamaze, kuko Atari ibintu umuhanzi byisumbuyeho ufite izina yagakwiye gukora.

Mu mwaka wa 2015 ubwo Bruce Melodie yashinjwaga n’uyu mugore Agasaro Diane, ubwo yajyaga gufungura studio ye uyu mukobwa yaje n’umwana imbere ya studio kuburyo Bruce Melodie amubonye yikingiranye, nyuma yaje no kuvuga ko uyu mukobwa uri kumwirukankaho ko ngo yamuteye inda yamutumwe n’umugabo bari bamaze iminsi bari kuburana witwa Nsengumuremyi Richard bakoranaga muri Super Level.

Ubwo Diane Agasaro tashyiraga umwana Bruce Melodie mu mwaka wa 2015

Umunyamakuru Bruce Melodie avuga ko umwanga