Amakuru aravuga ko umunyamakuru Umuhoza Honore wa Radio/Tv Flash yatawe muri yombi muri iki cyumweru, akaba yarafatiwe I Musanze ariko akajyanwa I Kigali. Avuga ko kandi ashobora kuba afungiwe ibiganiro acisha ku rubuga rwe rwa YouTube aho yigisha imiryango ibijyanye n’imyororokere.

Ibi ni ibiganiro Urwego rw’igihugu rw’Ubugenzacyaha RIB ruherutse kwamagana aho bavuze ko ari ugukwirakwiza ibiteye isoni. Icyakora Umuseke dukesha iyi nkuru uravuga ko hari ibindi bivugwa ko Umuhoza yaba akurikiranweho ibindi byaha nubwo nta rundi rwego rurabyemeza.

Mugisha Emmanuel, Umunyamabanga nshingwabikorwa w’urwego rw’Abanyamakuru bigenzura, RMC avuga ko nta makuru aramenya ku ifungwa rya Umuhoza, ariko nibayamenya barayatangaza. Umuhoza amenyereye ku gutangaza inkuru z’ubuvugizi no kuvuga ibitagenda neza cyane cyane mu ntara y’Amajyaruguru.