Kuri uyu wa 1 mata 2023 ahagana saa moya n’iminota 17 z’umugoroba, nibwo abinyujije ku rukuta rwe rwa twitter, umuhungu wa perezida wa Uganda akaba jenerale mu ngabo z’iki gihugu Kainerubaga Muhoozi yasabye polisi y’u Rwanda gufata uyu mukobwa wabaye igisonga cya kabiri cya miss Rwanda, kayumba Darina maze ikamumushyikiriza.  Biravugwa ko miss Iradukunda Elsa atwite bagaragaza impamvu Prince kid yabikora

Mu butumwa yanditse kuri twitter yagize ati “reka polisi y’u Rwanda ifate uyu mukobwa imunyoherereze kugira ngo mukoreho iperereza ryimbitse.” Ni ubutumwa bwakiriwe n’abantu batari bake bahise babusamira hejuru, nuko baheraho batera urwenya bamusubiza bitangaje.

Hari bamwe bamusubije ko agabanya ubushyuhe afate amazi anywe cyangwa akarabe bishire, abandi batangira bamubaza ibyo ari kunywa muri iyi minsi biri kumukoresha, abandi bashyiraho andi mafoto menshi y’uyu mukobwa Darina bahumuriza Muhoozi ko byanga byakunda polisi iramufata, ndetse yewe abandi bashyiraho amafoto menshi y’abandi bakobwa beza bavuga ko yasaba nabo bakaza gufatwa.

Kayumba Darina yabaye igisonga cya kabiri cya nyampinga w’u Rwanda 2022, ubusanzwe akaba ari umunyamideri muri kompanyi yitwa MJW management ifite icyicaro muri Ethiopiya, uyu mukobwa akaba azwi mu kwamamariza ama kompanyi atandukanye ndetse akaba anakurikirwa cyane ku mbuga nkoranyambaga, akaba yaritabiriye irushanwa rya miss Rwanda yararangije amashuri yisumbuye.

https://twitter.com/mkainerugaba/status/1642214739261415425