Umuhanzi Bruce Melodie ari mu gahinda ko gupfusha nyirakuru mu ijoro ryo kuwa 23 mata 2023 rishyira kuwa 24 mata. Abinyujije ku rukuta rwe rwa Instagram, uyu muhanzi kuri ubu uherereye mu gihugu cya Nijeriya yanditse agira ati “Ruhukira mu mahoro nyogokuru, turagukunda.”

Nta makuru menshi yigeze atangaza ku rupfu rw’uyu mubyeyi kuko yamenye amakuru Atari mu Rwanda aho ari muri Nijeriya mu bijyanye n’akazi kagendanye n’umuziki we. Uyu mubyeyi yitabye Imana nyuma y’imyaka 11 Bruce melodie apfushije nyina umubyara, ibyatumye afatwa nk’umukuru w’umuryango mu bavandimwe be batatu.

Nyina wa Bruce Melodie yitabye Imana afite imyaka 46, amusiga ari umwana wa kabiri mu bana bane bari basigaye ari imfubyi kuko na se wa bo yari yaritabye Imana ubwo Bruce yari afite imyaka 6 gusa y’amavuko.