Gloire AKIMANA Bruce Melodie uherutse gukora indirimo na Shaggy bise ‘When she is around’ bwa mbere bahuye imbonankubone nyuma y’igihe bavugana kuri telefone ariko ntawe urahura n’undi imbonankubone. Ibi byamamare byahuriye muri Leta Zunze Ubumwe za Amerika aho Bruce Melodie yitabiriye ibitaramo azahuriramo na Shaggy.
Bruce Melodi abinyujije ku mbuga nkoranyambaga ze yavuze ko yishimiye guhura na Shaggy bakaganira ku mikoranire y’ahazaza. Bruce Melodie na Shaggy bazahurira mu bitaramo bitegurwa na iHeart Radio byiswe iHeart Radio Jingle Ball Tour bizarangira tariki 26 Ugushyingo 2023 kugera tariki 16 Ukuboza 2023.
Muri uru rugendo rw’ibitaramo Bruce melodie azaririmba mu bitaramo bibiri birimo ikizabera Dickles Arena Yakira abantu ibihumbi 14 mu Mujyi wa Dallas ku wa 28 Ugushyingo 2023 , ikindi kizaba tariki 16 Ukuboza 2023 kizabera Amerant Bank Arena Yakira abantu basaga ibihumbi 20 mu Mujyi wa Miami . biteganyijwe ko ibi bitaramo bizagera mu Mijyi 10 yo muri Leta Zunze Ubumwe za Amerika.
Muri ibi biratamo abahanzi bahanzwe amaso cyane barimo Usher, Olivia Rodrigo, Nicki Minaj, SZA, Niall Horan, One Republic, AJR, Sabrina Carpenter, Flo Rida, Melanie Martinez, David Kushner. Muri aba bahanzi Flo Rida niwe uzanyura mu mijyi myinshi aho agera muri irindwi.
Gloire AKIMANA 