Rajab Abdul kahal wamamaye cyane mu muziki wo muri Tanzania nka ‘Harmonize’ yatumiye Bruce Melodie mu gitaramo kizabera mu Bwongereza ku wa 20 gicurasi 2023 cyiswe ‘Harmonize and friends’, kikaba ari igitaramo cyatumiwemo kandi abandi baganzi benshi bo muri Afurika y’iburasirazuba.  Umugabo watandukanye na Angelina Jolie yatangiye kwikuraho buri cyose cyamumwibutsa

Ubwo Bruce melodie yatangiraga imyiteguro y’igitaramo cyo kwishimira imya 10 amaze mu muziki mu gushyingo 2022 we na Harmonize batangiye kwerekana ubumwe budasanzwe, kuko na Harmonize yatangiye kujya ashishikariza abantu kwitabira iki gitaramo.

Nyuma nibwo hamenyekanye ko bombi bafitanye umushinga wo gukorana indirimbo, nyuma Bruce ajya muri Tanzania ahi bafashe amashusho y’indirimbo ‘Totally crazy’, si ibyo gusa kuko Bruce yanishimiwe cyane n’abamukunda muri Tanzaniya ubwo yaririmbaga indirimbo ye ‘Katerina’ mu gitaramo cya Harmonize ubwo yamurikaga album ye yitwa ‘High school’

Mu gitaramo ‘Afro east carnival’ Harmonize yatumiye Bruce melodie nanone bigaragaza ubumwe bafitanye. Harmonize aherutse no kuza mu Rwanda mu mpera z’umwaka wa 2022 ubwo yari yaje gusura Bruce Melodie. Hari amakuru avuga ko uyu muhanzi ukunzwe cyane muri Tanzania ashaka kwiyegereza abakunzi b’umuziki mu Rwanda ngo kuko abona hari amahirwe.