Abatuye mu bwongereza biganjemo abanyarwanda bihebeye umuziki wo muri Afurika y’uburasirazuba, baranenga abahanzi barimo Harmonize, Bruce Melodie na Khaligraphy Jones, babijeje kubataramira kuwa 20 gicurasi 2023 ariko ntibagaragare muri icyo gitaramo. Ni nyuma y’uko bari bateguje igitaramo cyitwa ‘Harmonize and friends’ cyari giteganijwe ku wa 20 gicurasi, uyu munsi ugera Harmonize yibereye muri leta zunze ubumwe z’Amerika, Bruce Melodie we yibereye I Kigali.

Si aba bahanzi gusa kuko hari n’abandi byavuzwe ko bari batumiwe muri iki gitaramo barimo umunya Nigeria Skales n’umunya Uganda Spice Diana. Iki gitaramo cyatangiye kwamamazwa mu ntangiriro za Mata 2023, gusa abatuye mu Bwongereza bategeza amakuru baza kumva ko kitazaba birabababaza cyane.

Si ubwa mbere Harmonize asezeranyije abanyarwanda kubataramira ntabikore, kuko no muri 2022 yasezeranije abanyarwanda kubataramira I Kigali ntiyahagera cyagombaga kuba kuwa 18 kamena 2022. Kuva icyo gihe ubwo Harmonize yari yaratangaje ko zakora ibitaramo bizenguruka akarere k’ibihugu turimo ariko ntabikore, nta kintu aragira icyo abivugaho.