Umugaba Mukuru w’Ingabo z’u Rwanda, Gen Mubarakh Muganga yahagarariye Perezida Paul Kagame mu muhango wo gusoza imyitozo igenewe ingabo zirwanira ku butaka (Advanced Infantry Training) ku basirikare bo rwego rwa ba Ofisiye ndetse n’abato.

Aba basirikare basoje imyitozo bakoze amezi arindwi bakorera mu kigo cy’imyitozo cya Nasho, Gen Muganga yashimiye abasoje iyi myitozo, abibutsa akamaro ko kwimakaza ikinyabupfura na morali mu byo bakora byose.

Yababwiye kandi ko ubumenyi buhanitse mu bijyanye n’imirwanire bahawe buzabazamurira urwego ndetse bukabafasha kuzuza inshingano za RDF. Muri uwo muhango kandi Gen Mubarakh Muganga yahembye abasirikare bahize bagenzi babo.