Gloire AKIMANA Ku wa Mbere tariki 01 Mutarama 2024, umugabo uri mu kigero cy’imyaka 50 wo mu Mudugudu wa Kigarama, mu Kagari ka Kibinja, mu Murenge wa Busasamana mu Karere ka Nyanza, bikekwa ko yitabye Imana azize inyama yamunize ahera umwuka.
Uwahaye amakuru UMUSEKE dukesha iyi nkuru yavuze ko uwo mugabo yatumiwe na mushiki we ngo aze basangire amafunguro k’umunsi mukuru w’ubunani, maze ubwo barimo bafata amafunguro yariye inyama imuhagama mu muhogo yanga kumanuka.
Uwatanze aya makuru avuga ko bakibibona bagerageje byibura kuyigarura ariko biranga, maze bahita bafata icyemezo cyo kumujyana kwa muganga, agezeyo ahita apfa. Nk’uko akomeza abivuga nyakwigendera yashyinguwe kuri uyu wa Kabiri 02 Mutarama 2024. Kugeza ubu aya makuru ntabwo yari yemezwa n’ubuyobozi bw’Akarere ka Nyanza.
Ivomo: UMUSEKE
Gloire AKIMANA 