Nyuma y’uko The Ben yari yatangajwe nk’umwe mu bazatanga ibihembo mu birori bya Trace Award bizaba kuwa 21 Ukwakira 2023, kuri ubu ari no mu bazasusurutsa abazabyitabira. Ubwo hamenyakanaga ko ari mu bazatanga ibihembo The Ben byanakomeje kuvugwa ko yaba ari mu biganiro kugira ngo azanaririmbe.

Kuri uyu wa 15 Ukwakira 2023 yahuye n’umuyobozi wa Trace TV. Amakuru agera kuri IMIRASIRE TV avuga ko The Ben yongerewe mu bazaririmba ndetse mu masaha make bakaba baratangira no kumwamamaza nk’umwe mu bazaririmba muri ibi birori. Amakuru aravuga ko kandi The Ben mu biganiro yagiranye n’umuyobozi wa Trace TV harimo imikoranire yo guteza imbere umuziki we.

Byitezwe ko ku nshuro ya mbere The Ben azaririmbana na Diamond Platinumz indirimbo baherutse gukorana yitwa ‘Why’.

Ibi bihembo bya Trace bigiye gutangirwa bwa mbere mu Rwanda birimo amazina akomeye y’abahanzi, barimo n’abari mu cyiciro cy’abakoze neza umwaka ushize barimo Bruce Melodie, Kenny Sol, Ariel Wayz, Bwiza na Chriss Eazy. Ikindi cyiciro kibarizwamo umunyarwanda ni icy’abahanzi bahiga abandi muri Afurika y’Iburasirazuba.

Byitezwe ko ibi birori bizabera muri BK Arena, amatiki akaba akomeje kugurishwa ku bifuza kuzajya gutarama no guha ijisho abahanzi bazaba bari mu birori, aho amatiki ahari aya 20,000frw, 25,000frw ndetse na 30,000frw. INDI NKURU WASOMA>>> Bivuze ko Miss Iradukunda Elsa na we ari kugana muri gereza nyuma y’uko ibimenyetso yashakiye Prince Kid biteshejwe agaciro?