Muri weekend yashize tariki 5 Kanama 2023, nibwo Clapton Kibonge yashyize hanze amafoto avuga ko ari mu karere ka Nyagatare, arenzaho amagambo avuga ko nyuma yo guhitamo mu turere, yigiriye Nyagatare kuko ari ho n’ubundi habaye aha mbere.

Uyu mugabo umenyerewe cyane muri sinema Nyarwanda cyane cyane mu buryo bwa Komedi, yanyujije ubwo butumwa ku rukuta rwe rwa Twitter, gusa hari uwagaragaje ko hari akantu anenze kuri iyo myambarire, maze amusubiza agira ati “Wambaye neza ariko habuze umukandara, ubutaha umugore ajye akwibutsa uwambare.”

Nyuma y’iki gisubizo, Kibonge kwihangana byamunaniye yumva hari akajambo yabwira uyu wiyise ‘Mr GUKORA N’ikare’ amusubiza agira ati “Uzajye wigisha kwambara ibyo ushaka abo ubigurira.” Kuva ubwo, abakoresha uru rubuga benshi bari gukoresha iyi mvugo.

Icyakora hari uwabwiye Clapton Kibonge ko niba areba ahabaye aha mbere, bityo yitegure kwimuka.

Nyuma yo guhitamo muturere Nigiriye Nyagatare nubundi niho habaye ahambere pic.twitter.com/fD1JOCwcXD

— claptonkibonge (@claptonkibonge) August 5, 2023