ACP Rutikanga Boniface wahoze ari umuvugizi wa polisi y’u Rwanda wungirije, yagizwe umuyobozi w’ishami rishinzwe itangazamakuru n’inozabubanyi muri polisi y’u Rwanda ahita agirwa n’umuvugizi mushya w’urwo rwego. Rutikanga yasimbuye CP John Bosco Kabera wagiye muri uyu mwanya mu Ukuboza 2018.

Muri Kamena 2020 nibwo Rutikanga yazamuwe mu ntera ahabwa ipeti rya Assistant Commissioner of Police (ACP) avuye ku ipeti rya Chief Supertendent of Police (CSP). Mbere yo kuba umuvugizi wa polisi wungirije yabanje gukora indi mirimo irimo gukora ubutumwa bwa Loni bwo kugarura amahoro ku isi ndetse n’umujyanama mubya gipolisi mu muryango w’Abibumbye.

CP John Bosco Kabera ACP Rutikanga asimbuye, ubwo yabaga umuvugizi wa polisi y’u Rwanda mu Ukuboza 2018 yari asimbuye CP Theos Badege wari ugiye mu butumwa bw’amahoro.